Leiðrétting á netfangi Hróbjarts

Eftirfarandi leiðrétting barst á netfangi Hróbjarts Jónatanssonar, hrl. 

Óskað er eftir því að póstur sem ætlaður er honum berist á: [e-mail]

Ráðstöfun arðgreiðslu hjá Glitni

Eins og flestir stofnfjáreigendur vita, fór margumtöluð 13,5 milljarða arðgreiðsla ársins 2007 í Byr (sem greidd var út árið 2008) ekki í vasa stofnfjáreigenda nema í fæstum tilfellum.  Ástæðan var  að stofnfjáreigendur höfðu lagt um 30 milljarða inn í Byr í þremur stofnfjáraukningum á árinu 2007.  Fæstir stofnfjáreigenda höfðu slíka fjármuni undir koddanum og var því gripið til þess ráðs að fá lán fyrir stofnfjáraukningunni - í margra tilfelli hjá Glitni.  Veðið fyrir láninu voru stofnfjárbréfin sjálf og arðgreiðslur.  Þar með var arðgreiðslunni margfrægu ráðstafað.

 

Stofnfjáreigendur í Byr sem tóku lán hjá Glitni höfðu um þrjár lánaleiðir að velja:

1. Lán í íslenskum krónum
2. 50% lán í íslenskum krónum og 50% lán í erlendum gjaldeyri
3. Lán í erlendum gjaldeyri 

 

Haft hefur verið samband við okkur og bent á misræmi sem virðist vera fyrir hendi varðandi ráðstöfun arðgreiðslunnar til Glitnis.  Í tilfelli þeirra stofnfjáreigenda sem tóku blandaða lánaleið (leið 2) virðist vera að arðgreiðslunni hafi í meira mæli verið ráðstafað til greiðslu íslenska hluta lánsins en erlenda hlutans.  Eins og vísitala krónunnar hefur þróast, hefur þetta reynst stofnfjáreigendum afar óheppileg ráðstöfun.  Málið er til könnunar og verða fluttar af því fréttir þegar það skýrist.

Stofnfjáreigendur sem tóku blandað lán eru hvattir til að fara yfir stöðu sinna lána með þetta í huga. 

Til þeirra stofnfjáreigenda sem fengu lán hjá Glitni

Stofnfjáreigandi hafði samband við okkur og óskaði eftir því að koma eftirfarandi á framfæri til þeirra stofnfjáreigenda sem skulda Glitni vegna stofnfjáraukningarinnar í Byr 2007:

 

Hópur stofnfjáreigenda hefur tekið sig saman með það að markmiði að verja réttindi sín gagnvart Íslandsbanka.  Aðilar innan þessa hóps munu ekki framlengja láni sínu hjá Íslandsbanka og hafa fengið Hróbjart Jónatansson, hrl. sér til fulltingis.  Þeim stofnfjáreigendum sem hafa áhuga á þessu er bent á að hafa samband við Hróbjart:  [e-mail]

Frá stofnfjáreiganda

Við vorum beðin um að koma eftirfarandi á framfæri frá stofnfjáreiganda:

 

Kæru stofnfjáreigendur í Byr-sparisjóði. 

Í bréfi frá Íslandsbanka til stofnfjáreigenda Byrs-sparisjóðs, sem skulda bankanum,  dagsettu 8. júní 2009, kemur fram að greiða skuli upp höfuðstól og vexti af lánum teknum hjá Glitni hf í desember 2007, til fjármögnunar á stofnfjáraukningu í BYR-Sparisjóði. 

Þessi krafa tel ég að sé ekki í samræmi við þann samning, sem gerður var á milli BYR-Sparisjóðs og Glitnirs hf um fjármögnun stofnfjáraukningar BYR-Sparisjóðs, en sá samningur var gerður haustið 2007. Ég tel að í þeim samningi komi fram, að greiða skuli ofangreint lán með arðgreiðslum frá BYR-Sparisjóði. 

Rökstuðningur minn er þessi. 

1. Til að hægt hefði verið að greiða lánið upp með tveimur arðgreiðslum eins og lánasamningurinn hljóðar uppá, þá hefði arðgreiðslurnar þurft að vera samtals 120% á tveimur árum. Það er í hæðsta máta mjög óraunhæft markmið og ótrúlegt að fullorðnir menn hafi samið um þetta í alvöru. 

2. Mér var veitt lán að upphæð 94 miljónir. Engin könnun var gerð á tekjum mínum eða greiðslugetu, sem sannar að Glitnir hf reiknaði ekki með öðrum tekjum en arðgreiðslu frá Byr-sparisjóði til greiðslu skuldarinnar, enda hef ég svo til eingar aðrar tekjur, allavega ekkert sem dugar upp í svo háa skuld. 

3. Glitnir hf lánaði til einkahlutafélaga sem hafa engar aðrar tekjur en væntanlegar arðgreiðslur, sem þýðir að treyst var eingöngu á arðgreiðslur til greiðslu skuldarinnar. 

Íslandsbanki hf hefur frá og með 15 okt. 2008 tekið við öllum réttindum og skyldum sem Glitnir hf hafði gagnvart okkur, og er því eðlilegast að væntanlegar afborganir okkar af lánunum séu bundnað við arðgreiðslur frá Byr-sparisjóði. 
 

Ath: Ég er ekki löglærður maður, þannig að þessi orð eru eingöngu byggð á réttlætiskennd minni. 

Stjórnendur Íslandsbanka stórskuldugir?

Fyrir þá stofnfjáreigendur í Byr sem skulda Íslandsbanka fé vegna stofnfjáraukningar í Byr á árinu 2007 kann þessi frétt í DV að vekja áhuga:

 

http://www.dv.is/frettir/2009/3/25/storskuldurgir-stjornendur-islandsbanka/

 

"Jóhannes Baldursson, núverandi framkvæmdastjóri fjárstýringar og markaðsviðskipta, fékk 800 milljóna kúlulán í gegnum félag sitt Gnóma ehf.

Vilhelm Már Þorsteinsson, núverandi framkvæmdastjóri fyrirtækjasviðs fékk 800 milljóna kúlulán í gegnum félag sitt AB 154 ehf.

Rósant Már Torfason, núverandi framkvæmdastjóri áhættustýringar, lánaeftirlits og lögfræðisviðs, fékk 800 milljóna kúlulán í gegnum félag sitt Strandatún ehf.

Stefán Sigurðsson, núverandi framkvæmdastjóri eignastýringar, fékk 170 mllióna kúlulán í gegnum félag sitt AB 135 ehf." 

 

Ekki skal fullyrt um það hvort stjórnendurnir hafi greitt lánin tilbaka eður ei.  Stofnfjáreigendur í Byr eru hvattir til að afla sér upplýsinga um málið, t.d. hér:

Vilhelm Már Thorsteinsson, Framkvæmdastjóri fjárstýringar, sími 440
4012, GSM 844 4012, [e-mail]

Sigrún Hjartardóttir, Forstöðumaður fjárfestatengsla, sími 440 4748,
GSM 844 4748, netfang: [e-mail]

Már Másson, Forstöðumaður kynningarmála, sími 440 4990, GSM 844 4990,
netfang: [e-mail] 

 

(uppl. af  http://www.vbs.is/Markadurinn?action=news&id=1255573&symbol=GLB) 

 

Upptökur til af símtölum við Glitni

Samkvæmt upplýsingum sem okkur hafa borist voru öll símtöl sem bárust Glitni hljóðrituð.  Slík hljóðritun hefur verið afhent vegna annars máls, það höfum við staðfest frá þeim sem fór fram á viðkomandi hljóðritun. 

Fyrir stofnfjáreigendur sem tekið hafa lán hjá Glitni gæti verið tilvalið að fara fram á hljóðritanir þeirra símtala sem þeir áttu við Glitni.

 

Gylfi Magnússon tjáir sig

Vakin er athygli á ummælum Gylfa Magnússonar á mbl.is í dag.  Þetta veit væntanlega á að Gylfi hyggist beita sér í því að meirihluti stjórnar í Byr verði látinn víkja, þar sem hann situr krafti ólöglegs og ógilds umboðs sem Ágúst Ármann kom með inn á aðalfund Byrs nú 13. maí sl.

http://www.mbl.is/mm/vidskipti/frettir/2009/06/18/vid_letum_thetta_yfir_okkur_ganga/

"Gylfi Magnússon viðskiptaráðherra segir að þjóðfélagið hafi allt of oft sætt sig við að fyrirtæki hafi starfað á gráu svæði.

 „Líklega var það, sem helst fór úrskeiðis á undanförnum árum, að við sættum okkur alltof oft við það, að fyrirtæki væru á gráu svæði. Það var ekkert gert í því. Það var engin - kannski með örfáum undantekningum - sem stoppaði og sagði: „Þetta er óheilbrigt! Þarna er verið að fara mjög á svig við hinar og þessar reglur“,“ segir Gylfi á blaðamannafundi þegar ritið Stjórnarhættir fyrirtækja var kynnt í dag."

Upplýsingar um tölvupósta frá Glitni

Við vorum beðin að koma á framfæri fyrirspurn um það hvort einhverjir stofnfjáreigendur hefðu undir höndum tölvupósta frá Glitni varðandi lánafyrirgreiðslu til stofnfjáreigenda. 

 

Þeir sem hafa slíkan póst undir höndum geta sent tölvupóst á Þórð Magnússon, [e-mail] eða á Rakel: [e-mail].

Blogg Halldórs Jónssonar

Okkur var bent á kjarnyrt blogg Halldórs Jónssonar, þar sem hann fjallar m.a. um Byr.

 Fyrir áhugasama má nálgast bloggið hér:

http://halldorjonsson.blog.is/blog/halldorjonsson/entry/898040/

 

Stofnfjáreigendur funda í kvöld

Eftirfarandi er frétt af mbl.is

Stofnfjáreigendur í Byr sparisjóði hafa boðað til sérstaks fundar í kvöld kl. 20:30 að Brekkutröð 3 í Hafnarfirði til þess að ræða málefni sparisjóðsins.

Á fundinum verður m.a rædd lagaleg staða þeirra stofnfjáreigenda sem juku stofnfjárhluti sína með lánum frá Glitni banka árið 2007.

Stofnfjáreigendurnir eru meðal annars óánægðir með óljós og misvísandi skilaboð um réttarstöðu lántakenda frá Íslandsbanka, en bankinn tók lánin yfir þegar Glitni var skipt upp eftir bankahrunið. Bankinn bauð nýlega lántakendum að fresta greiðslu lánanna í fjóra mánuði en þau falla á gjalddaga á morgun. Fyrirséð er að bankinn mun leysa til sín marga stofnfjárhluti, en þeir voru eina veðtryggingin fyrir lánunum á sínum tíma. Eftir það gæti bankinn orðið stærsti stofnfjáreigandinn í Byr, en lögum samkvæmt má hann ekki eiga meira en 10% hlut.

Stofnfjáreigendurnir vilja meina að lánunum fylgi ekki persónuleg ábyrgð. Íslandsbanki hefur hafnað því og bent á að í lánaskilmálum hafi komið skýrt fram að lántakendur væru skuldbundnir til að endurgreiða lánin með einni greiðslu hinn 19. júní 2009.