Áhugavert blogg um sameiningu SPNOR og Byrs

Við vorum beðin um að benda á eftirfarandi athugasemd af bloggi Gunnars Axels Axelssonar.

http://gunnaraxel.blog.is/blog/gunnaraxel/entry/678567/ 

7.          Atvinnumál / byggðamál - málefni Sparisjóðs Norðlendinga
2007110054
Að ósk bæjarfulltrúa Vinstrihreyfingarinnar græns framboðs Baldvins H. Sigurðssonar og Kristínar Sigfúsdóttur fóru fram umræður um atvinnumál/byggðamál - málefni Sparisjóðs Norðlendinga.

Baldvin og Kristín lögðu fram tillögu að bókun svohljóðandi:
   "Bæjarstjórn Akureyrarkaupstaðar lýsir yfir áhyggjum af fyrirhuguðum samruna Sparisjóðs Norðlendinga við BYR. Mikil eftirsjá er í því þegar svo öflug fjármálastofnun sem er á forræði heimamanna er lögð inn í stóra samsteypu á höfuðborgarsvæðinu. Við það glatast yfirráð heimamanna yfir gríðarmiklum sjóðum sem hafa um árabil verið nýttir til að styrkja nærsvæði Sparisjóðs Norðlendinga í samræmi við markmið og tilgang Sparisjóða.  Í stað þess verður Sparisjóður Norðlendinga að útibúi frá BYR sem veikir stöðu og sjálfstæði hans. Bæjarstjórn Akureyrar lýsir einnig vonbrigðum yfir því að stjórn Sparisjóðs Norðlendinga hafi ekki skoðað möguleika sem önnur fjármálafyrirtæki, svo sem eins og KEA og Saga Capital, höfðu bent á til að styrkja sjálfstæði og stöðu sjóðsins í heimabyggð."

Tillagan var borin undir atkvæði og felld með 5 atkvæðum gegn 2 atkvæðum Baldvins H. Sigurðssonar og Kristínar Sigfúsdóttur.
Elín Margrét Hallgrímsdóttir, Margrét Kristín Helgadóttir, Oddur Helgi Halldórsson og Gerður Jónsdóttir sátu hjá við afgreiðslu.

Bæjarstýran á Akureyri hefði í raun átt að víkja við umfjöllun málsins en gerði það ekki heldur greiddi atkvæði, það má sjá í fundargerðum.

Bæjarstýran er eiginkona fyrrverandi sparisjóðsstjóra Sparisjóðs Norðurlands, sem þá var hættur en tekinn við starfi sem framkvæmdastjóri Lífsvals ehf. Það fyrirtæki er stofnað utan um uppkaup á jörðum á Íslandi og á nú vel á annað hundrað jarðir að talið er (fyrirtækið hefur frá upphafi verið svo mikið felufyrirtæki að forsvarsmenn þess svara ekki spurningum fjölmiðla, þetta sést þegar maður reynir að gúggla upplýsingar um það).

Stjórnarmaður og einn af eigendum Lífsvals ehf var og er líklega ennþá, Jón Þorsteinn Jónsson, stjórnarformaður Byrs (aftur settur sá fyrirvari að hvergi er að hafa nýjar upplýsingar á vefnum um þetta vel falda fyrirtæki).

Þau liggja víða krosstengslin. 

Athugasemdir

[Guðjón Simma (IP-tala skráð) 21.7.2009 kl. 11:46]

Ekki alveg rétt, Ingvar Jónadan Karlsson er stjórnarformaður Lífsval, rétt er að Jón Björnsson hefur verið framkvæmdastjóri Lífsval undanfarin ár. Lífsval á nokkur mjólkurbú, og hefur m.a. byggt upp laxveiði í Breiðdal. Í rauninni hugsjónastarfsemi.

 Rétt mun vera að Jón var sparisjóðsstjóri fyrr á árum. Útilokar það konu hans til greiða atkvæði um ályktun tengdri sparisjóðnum?

[íbúi á Akureyri (IP-tala skráð) 23.7.2009 kl. 14:00]

þrjár athugasemdir við innlegg Guðjóns:

1) Í pistlinum er Jón þorsteinn titlaður stjórnarmaður, ekki stjórnarformaður.

2) Að kenna Lífsval við hugsjónastarf er álíka nálægt sannleikanum og að kalla Byr góðgerðafélag.  

3) Tengsl eiginmanns bæjarstýrunnar og hagsmunaaðila í Byr voru nógu mikil gegnum Lífsval til að bæjarstýran hefði átt að víkja af fundi við afgreiðslu málsins.