Breytingar á stofnfjáreign í Byr

Okkur var send eftirfarandi færsla: 

 

Nokkrar áhugaverðar breytingar hafa átt sér stað á lista yfir stærstu stofnfjáreigenda í Byr sparisjóði.

1) Bygg Invest hefur fært stofnfjárbréf sín inn í sérstakt félag sem kallast CDG ehf. Bygg, sem á um 4% í Byr, stendur höllum fæti eftir fall fjárfestingafélagsins Saxbyggs auk þess sem gúrkutíð í byggingariðnaði hlýtur að taka sinn toll. Sigrún Davíðsdóttir fullyrðir reyndar í pistli sínum á Eyjunni að Bygg sé þrotafélag.

2) Bréf sem voru í vörslu Kaupthing Luxembourg hafa verið færð beint á eigendur. Þar er annars vegar hlutur Rona Financials Ltd., og hins vegar hlutur tískudrottningarinnar Karenar Millen. Athygli vekur að Kaupþing banki hefur leyst til sín 2% hlut í Byr sem ku hafa verið í eigu Stanford.

3) Systkinin sem eiga Bernard ehf., Honda-umboðið á Íslandi, hafa fært bréf sín inn í Bernard. Meðal þeirra er Guðmundur Geir Gunnarsson, stjórnarmaður í Byr. Það að stjórnarmaður skuli eiga í innherjaviðskiptum með því að færa bréf sem eru í persónulegri eigu sinni yfir á fyrirtækið vekur auðvitað athygli. Fari svo að stofnfé í BYR verði fært niður þegar ríkið kemur inn með fjármagn eins og hvítur riddari munu lögaðilar geta nýtt sér niðurfærsluna sem kostnað í rekstri á meðan einstaklingar sitja í súpunni - eins og alltaf. 

Athugasemdir

[Stofnfjáraðili (IP-tala skráð) 21.7.2009 kl. 22:25]

Þetta er athyglisvert.  Bygg snúningurinn skyldi þó ekki tengjast skoðun FME á lögmæti atkvæðagreiðslunnar á aðalfundinum í maí sl. ?Hvernig má það vera að Bygg, Saxhóll og tengdir aðilar fengu að fara með fullt atkvæðamagn á fundinum?  Er það ekki augljóst brot á lögum um sparisjóði?

Karen Millen er sú sem vissi ekki hvort hún á/átti hlut í sjóðnum, enda hennar hlutur skráður á Kaupþing Lux á aðalfundardegi.  Þeir veittu Ágústi Ármann, fyrrverandi stjórnarmanni og aðila að hinum fræga Exeter (skíta)díl sem samþykkjanda f.h. stjórnarinnar, umboð til meðferðar á hennar hlut á fundinum, allt í skýrri andstöðu við lög og reglur og enn situr Jón Kr Sólnes sem stjórnarformaður í skjóli ólögmætrar atkvæðagreiðslu fundarins!  Hvernig má þetta vera?  Hvar er FME?  Hverjum er verið að skýla í þessu dæmalausa máli?

Guðmundur Geir, sem gamall bílabraskari kann öll trixin í bókinni.  Handgengin gamla spillingarliðinu í sjóðnum, á kafi í að tryggja fyrirtæki sínu feitan afskriftarlið í bókhaldinu.  Þetta er allt á sömu bókina....