Tillaga til stofnfjáreigenda sem skulda Glitni vegna stofnfjáraukningar

Eðlilegt er að stofnfjáreigendur setji fyrirvara við undirskrift sinni á framlengingu lánanna við Glitni.  Slíkur fyrirvari gæti t.d. litið svona út:

 

Fyrirvari

Við kaup á stofnfjárbréfum í Byr sparisjóði, sem Glitnir banki hf. fjármagnaði með láni skv. veðskuldabréfi (tilvísun í bréfið),  var lagt fyrir undirritaðan x (skuldara) kynningarefni frá Glitni banka þar sem fram kom að krafa skv. bréfinu væri einungis tryggð með veði í hinum keyptu stofnfjárbréfum í Byr.   Undirritaður gekk þannig út frá því við ákvörðun um kaupin og var það forsenda hans fyrir lántökunni að hann bæri ekki persónulega ábyrgð á skuldinni heldur myndi einungis vera hægt að leita fullnustu í hinum veðsettu stofnfjárbréfum.   

Með undirritun minni á skilmálabreytingu þessa er undirritaður X (skuldari) ekki með nokkrum hætti falla frá ofangreindum skilningi sínum eða að viðurkenna að hann beri persónulega ábyrgð á greiðslu skuldar skv. bréfi þessu.    
 

Reykjavík x. júní 2009 

_________________________ 

Móttekið f.h. Íslandsbanka hf.  

____________________________

Athugasemdir

[Baldur G (IP-tala skráð) 17.6.2009 kl. 20:22]

Ég tek undir það að stofnfjáreigendur í Byr geri fyrirvara við hverja þá skilmálabreytingu á láni sínu frá Glitni sem þeir gera. Þetta er gott mál. Ég er samt aðeins í smá klemmu hérna, það er sjórnarmaður í Byr sem leggur þetta fram og sem slíkur talar hann í nafni Byr, eða er Byr að leggja þetta fram eða stjórnarmaður fyrir hönd stjórnar eða er þetta einstaklingur sem gerir þetta sem er bara einstaklingur milli 10 og 11 á kvöldin en stjórnarmaður á daginn, hmmmm Ég bara átta mig ekki alveg á þessu en fyrirvarinn er góður....