Glitniskæran mikilvæg fyrir stofnfjáreigendur í Byr

Rétt er að vekja athygli stofnfjáreigenda í Byr á stefnu slitastjórnar á hendur forsvarsmanna Glitnis.  Eftirfarandi texti af mbl.is sýnir ágætlega þau öfl sem unnu að því að ginna stofnfjáreigendur í Byr til að skuldsetja sig vegna stofnfjáraukningar í Byr haustið 2007:

"Þann 30. apríl 2007 var boðað til auka hluthafafundar hjá Glitni. Þar fór stjórn bankans, sem hafði verið skipuð einungis tveimur mánuðum áður, frá að mestu. Á fundinum voru fimm nýir einstaklingar skipaðir í stjórn Glitnis. Stjórnarmenn Glitnis voru eftir hluthafafundinn: Þorsteinn Jónsson, stjórnarformaður en hann var einnig varaformaður stjórnar FL-Group. Jón Sigurðsson, Skarphéðinn Berg Steinarsson, Pétur Guðmundarson lögmaður hjá Logos, Björn Sveinsson, forstjóri Saxbygg, Haukur Guðjónsson og Katrín Pétursdóttir, forstjóri Lýsis."

• Jón Sigurðsson er sonur endurskoðanda Byrs, Sigurðar Jónssonar hjá KPMG.
• Þorsteinn Jónsson (Steini í Kók) var meðal stærri stofnfjáreigenda í Byr, í gegnum félag sitt, Sólstafi
• Pétur Guðmundarson var fundarstjóri á stofnfjáreigendafundum Byrs og átti m.a. sinn þátt í að hleypa ólöglegum atkvæðum Karenar Millen inn á stofnfjáreigendafund Byrs 13. maí 2009
• Björn Ingi Sveinsson, forstjóri Saxbygg var fulltrúi Jóns Þorsteins Jónssonar og er f.v. sparisjóðsstjóri Sparisjóðs Hafnarfjarðar.
• Haukur Guðjónsson var forstjóri B&L og Ingvars Helgasonar, sem var stjórnað af Sund (Jón Kristjánsson, Páll Þór Magnússon, Birgir Ómar Haraldsson), en Sund var meðal stærstu eigenda stofnfjár í Byr.

 

Kæran:

http://glitnirbank.com/images/stories/GlitnirNYComplaintasfiled5112010.PDF

Athugasemdir

[Stofnfjáreigandi í Byr (IP-tala skráð) 18.5.2010 kl. 11:17]

Hvernig er það hefur verið skoðað hvort stofnfjárbréf í sparisjóðum flokkist sem innlán og séu því að fullu tryggð eins og önnur innlán. Því ef sagan er skoðuð þá lögðu stofnendur sparisjóða inn fjármuni sem ég held að hafi verið hugsuð sem innlán en ekki t.d. hlutafé, enda eru sparisjóðir ekki hlutafélög. Stofnfé í sparisjóðum voru verðtryggð eins og hefðbundin innlán til lengri tíma. Ég held að það sé vert að skoða þetta og hvet ég þig Sveinn Margeirsson að fá lögfræðiálit á því og það væri ekki vitlaust að láta reyna á það fyrir dómstólum.