5.6.2010 | 08:30
Markaðsmisnotkun starfsmanna Glitnis?
Allnokkrir hafa bent á þann mun á málsmeðferð sem starfsmenn Kaupþings virðast fá hvað varðar skoðun á þeirra málum og svo mál starfsmanna Glitnis. Eins og alþjóð veit hefur sérstakur saksóknari til skoðunar málefni einhverra starfsmanna Kaupþings hvað varðar mögulega markaðsmisnotkun og eflaust ekki annars að vænta en að þau mál verði skoðuð ofan í kjölinn og þeir sem raunverulega ábyrgð bera verði látnir sæta henni.
Öðru máli virðist gegna um starfsmenn Glitnis, sem þó taka þátt í aðgerðum sem hafa áhrif á markaðsverð hlutabréfa Glitnis einungis um fjórum mánuðum áður en Glitnir féll, þ.e. í maí 2008. Önnur dæmi um aðgerðir starfsmanna og stjórnarmanna Glitnis má auðvitað benda á, t.a.m. STÍM-málið sem margoft hefur verið fjallað um.
Áhugavert er að skoða tilkynningu Glitnis um nýja framkvæmdastjóra sem fór á netið 14.5.2008. Nákvæmlega viku áður, 7.maí 2008 er stofndagur fyrirtækja flestra þeirra starfsmanna sem keyptu í maí 2008 (fyrstu sex stafir í kennitölu fyrirtækis sýna stofndag þess (tölustafurinn fjórir þýðir í raun núll í kennitölu fyrirtækis, fimm þýðir einn o.s.frv.; dæmi: 470508-0780 er stofnað 7. maí 2008).
Það er væntanlega ekki tilviljun sem réði því að allir þessir starfsmenn ákváðu að stofna félög sama daginn. Það er væntanlega ekki heldur tilviljun að þessir sömu menn tilkynntu ekki hlutabréfakaup sín til kauphallarinnar: http://mbl.is/mm/vidskipti/frettir/2009/06/18/tilkynntu_ekki_kaup/.
Regluvörður Glitnis, Kristinn Arnar Stefánsson segir um málið: „Þarna voru menn ekki komnir í framkvæmdastjórn formlega og því var ekki skylt að tilkynna þetta,“
Í ljósi skýringa regluvarðar Glitnis í greininni hlýtur að vera eðlilegt að spyrja:
- Vissu tilvonandi framkvæmdastjórar af væntanlegri stöðuveitingu sinni þegar kaupin fóru fram?
- Vissu tilvonandi framkvæmdastjórar af væntanlegri stöðuveitingu sinni þegar félögin voru stofnuð?
- Hversvegna voru félögin stofnuð?
- Var staðið löglega að kaupum starfsmanna Glitnis á hlutabréfum í bankanum?
Nokkrir áhugaverðir hlekkir:
http://rna.clara.is/Kafli_10.3
http://www.verjumbyr.blog.is/blog/verjumbyr/entry/1062390/
Efni
RSSTenglar
Sparisjóðir
- Byr Byr Sparisjóður er stærsti sparisjóður á Íslandi. Byr varð til við samruna SPH, SPV, SPK og SPNOR. Byr hefur þjónað einstaklingum og smærri fyrirtækjum. Útrás hefur verið lítil í samanburði ríkisbankana, en einhver þó. Byr á ekki hlut í Exista, eins og staðreyndin er í tilfelli SPRON og SPKEF. Meðallaun starfsmanna Byrs voru með því lægsta sem þekktist í fjármálakerfinu. ALLT ÞETTA BENDIR TIL ÞESS AÐ GRUNNREKSTUR BYRS SÉ HEILBRIGÐUR. Stöndum því vörð um Byr!
Félög tengd Byr
- VBS-Fjárfestingabanki Jón Kristjánsson og Birgir Ómar Haraldsson, stjórnarmenn Byrs, sitja einnig í stjórn VBS. Páll Þór Magnússon, mágur Jóns Kristjánssonar og fyrrum stjórnarmaður í Byr (2007) er stjórnarformaður VBS
- Exeter Holdings - Firmaskrá Exeter Holdings fékk 19.des yfirdrátt (1100 milljónir) frá Byr til kaupa á stofnfé í Byr. Ef þessar 1100 millj. hafa allar runnið til seljanda er virði Byrs í viðskiptunum 55-60 milljarðar. Eigið fé Byrs var 16 millj. 31.12. Exeter Holdings keypti í Byr eftir hrun bankakerfisins. Stofnfjármarkaður með bréf Byrs var lokaður þá. Seljendur voru MP-Banki, stjórnarmenn og starfsmenn Byrs. Ágúst Sindri Karlss., stærsti eigandi Exeter Holdings, var í stjórn MP-Banka árið 2008 og á 4200 hluti í MP-Banka.
- MP-Banki Jón Þorsteinn Jónsson, stjórnarformaður Byrs fram í mars 2009 sat í stjórn MP-Banka fram til 2007. MP-Banki lánaði hluta starfs-og stjórnarmanna Byrs fyrir stofnfjáraukningunni í Byr í desember 2007. MP-Banki sá jafnframt um stofnfjármarkað Byrs.
Fjölmiðlar
Heimsóknir
Flettingar
- Í dag (16.5.): 1
- Sl. sólarhring: 3
- Sl. viku: 19
- Frá upphafi: 100425
Annað
- Innlit í dag: 1
- Innlit sl. viku: 19
- Gestir í dag: 1
- IP-tölur í dag: 1
Uppfært á 3 mín. fresti.
Skýringar
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.